Laikotasuna, gizarte laiko baten aldeko Gipuzkoako
elkarteak, bere guztizko arbuioa adierazi nahi du Espainiako barne ministro
Jorge Fernández Diaz-ek otsailaren 3an Erromako Espainiaren Enbaxadan egindako
deklarazioengatik: Erlijioa ezin da funtsgabeko ikasgaitzat hartu, eta
gainerako ikasgai nagusien maila berean ipini behar da”; ministroari,
gainera, beharrezkoa iruditzen zaio erlijioak espazio publikoan egotea. Hitz
horiek argi eta garbi erakusten dute, zerbitzari publikoa den pertsona baten
integrismo katolikozko mentalitatea, beraren erlijio-sinesteak besteen sisneste
edo ez-sinesteen gainetik jarri nahi dituena.
Deklarazio beretan, ezkontza homosexualaren aurkako jarrera
adierazi du, bere hitzetan: “espeziearen iraupena ez duelako bermatzen”. Homofobiaz eta haurrak dituzten milaka familia
homosexualen aurkako mespretxuz blai dauden adierazpenak. Laikotasunak
gogorarazi nahi du Espainiako Konstituzio Auzitegiak ebatzi zuela ezkontza
homosexuala legezkoa dela, eta hortaz, zalantzan jartzea, joko demokratikoaren
aurkakoa dela.
Espainiako Estatua Estatu
ez-konfesionala izaki, XXI. mendea
aurrera doala, ulertezina da barne ministro batek, Opuseko supernumerarioa,
konstituzioaren aurkako jarrera arbuiagarri bat hartuz, beraren fanatismo
erlijiosoa inposatzen saiatzea, hiritar libre eta berdinen eskubide
konstituzionalen gainetik erlijioa paratuz.
Horregatik Laikotasunak uste du eta esijitzen du J.
Fernández Diaz jaunaren dimisioa, edota guztion ordezkari izan behar duen
gobernuak bere kargutik ken dezala berehala.
Donostia 2013ko martxoren 5ean
No hay comentarios:
Publicar un comentario